Karangan Negeri Sembilan

haa, ni aku nak kongsi ngan korang. kot yang dok negeri sembilan mmg dio paham la an. tapi yang dok negeri len len tu meh cubo try test baco meh. maun tak tenganga dibuat ae. hehe. ni den baru jumpo kot. dan disobabkab best, den pon mahu la berkongsi bersama anda semua yang berada di dapan laptop. haha. walaupun den ni orang Johor, tapi den dah dok negeri sembilan maghen dari darjah 1 sampai tingkatan 5 ! kiro lah bapo taun, den pon taktau bapo taun tu.leh katokan yang kawan-kawan den dari sekolah 99% sumo la negeri sembilan. baikla, tanpo buang maso lagi, dipersilakan, "Karangan Negeri Sembilan, Sumpah Pakcik Tak Faham" !

***************************************************************************************************************

Pagi tu pagi Senayan . Mak ngan abah den takdo kek ghumah . Gi motong gotah kek kobon gotah. Ting ga den, uwan den ngan adik den yang umo lapan taun yo kek ghumah.

Te tibo yo dapo ghumah jighan den molotop!!!. Be lango ngan kuali tohumban kek pintu paga. Uwan den yang tongah ngojoan kekabu tu, dek tergamang eh, biji kekabu di teghajang eh . Lobih sogonggam kekabu di kunyah eh. Den ngan uwan den bekoja nak nolong an jighan den. Umang aii, api nenek moyang bosa eh. Jangan kan nak nolong , dokek pun paneh . Tak ditolongkan jighan, kuk ditolongkan, awak lak moda . Den ngan adik den pun bertinggung lah kek pintu paga nunggu an api padam. Jighan den tah apo lah kabaan eh. Kok idup, ado lah. Tak lamo tu, jighan den pun balik. Ghupo eh dio gi bonda tengok anak eh tangkap ikan. Pueh den kobaan dapo eh tebaka, tak diapik eh . suko bona anak eh dapek ikan bosa. Polak nyawa den.

Yo tak yo, den pun balik ghumah . Kojap tu, den dongar jighan den meghaung . Baghu perasan lah tu . Agak eh, dio nak masak ikan, gi dapo tengok dah hanguh. Kang kok dio datang ngadu kek ghumah den, mau yo den ghembat eh. Pueh den kobaan tadi .

Tu lah cito sederhana ngoghi yang den tengok. Tapi tu pun dah lamooo. Maso den kocik. Tu pun uwan den yang cito.

“KOK MONGAK WAN DEN, MONGAK LAH DEN”

***************************************************************************************************************

semoga korang paham keyh! kot yg tak paham tu leh tanyo. meh blaja sesamo jom! hahaha